ازاى اروح المهندسين بالمترو
ازاى اروح المهندسين بالمترو

ازاى اروح المهندسين بالمترو

احنا هنقولك ازاى تروح المهندسين بالمترو  او تروح شارع شهاب فى المهندسين او ازاى تروح شارع سوريا المهندسين بالمترو وبطريقة سهلة جداً بدل ما تضيع وقتك تسأل كتير بنوفر عليك الكثير من الاسئلة او التعرض للمواقف المحرجة او السئية اثناء محاولة الذهاب الى المهندسين بكل سهولة هنشرحلك ونوضح لك ازاى تروح المهندسين لكل شخص بيفضل يستخدم المترو فى المشاوير , لو عاوز تروح المهندسين وهتركب المترو احنا هنوفرلك الشرح الوافي الى هيوضحلك بسهولة المواصلات المناسبة ليك مهما كان مكانك فين او ساكن فين او حتى جاى من محافظة تانية , اولاً لازم تعرف ان المهندسين تبع محافظة الجيزة وهي الاقرب لحى العجوزة والدقي

ازاى اروح المهندسين بالمترو

هنوضحلك ازاى تروح المهندسين بالمترو وبالتفصيل الممل اولاً لازم تعرف ان المهندسين لا يوجد بها محطة مترو انفاق وحالياً بيتم العمل على انشاء محطة فى شارع جامعة الدول العربية وهو اشهر شوارع المهندسين لكن بكل سهولة هتقدر تروح للمهندسين بالمترو عن طريق اكثر المحطات قرباً من منطقة المهندسين وهما محطة مترو الدوقي او محطة مترو البحوث

لو هتنزل محطة مترو الدقي ازاى تروح المهندسين ؟

بعد النزول فى محطة مترو الدقي اقرب مكان فى المهندسين منك هيكون فى الغالب شارع البطل احمد عبد العزيز فممكن تركب تاكس 5 دقايق هينزلك ولو مش عاوز تركب تاكسي هتطلع لأول كبري الدقي ومن هناك هتركب العربيات الى بتنده امبابة ودي هتعديك الناحية التانية من كبري الدقي وهتكون متجه لشارع البطل احمد عبد العزيز وشارع جامعة الدول العربية ومن هناك هتكون تقريباً فى وسط المهندسين يعنى تقدر تروح اى مكان

لو هتنزل محطة مترو البحوث ازاى تروح المهندسين ؟

من محطة مترو البحوث هتركب عربيات متجهه لشارع السودان وشارع جامعة الدول وهنا هتكون كمان فى وسط المهندسين وهتقدر تروح لاى مكان انت عاوزة

المفيد : المهندسين مفيشها محطة مترو لكن قريب جدا منها محطة الدقي و محطة البحوث والاتنين بعد النزل هتركب مواصلة بسيطة جداً هتدخلك قلب المهندسين وهناك هتقدر توصل لأى شارع انت عاوزة بكل سهولة

 

ازاى اروح شارع شهاب المهندسين بالمترو

هنا لازم تنزل محطة مترو البحوث وهتركب عربية تنزلك شارع جامعة الدول ومنها دقائق وهتكون فى شارع شهاب او ممكن تنزل شارع سوريا وتتمشي منه لشارع شهاب فى دقائق بسيطة

ازاى اروح شارع سوريا المهندسين بالمترو

هتنزل ايضاً محطة البحوث وهتركب عربية المتجهه لشارع السودان وهتطلب من السواق ينزلك شارع سوريا هتنزل على مدخل شارع سوريا من اتجاة شارع السودان وهنا لما تتمشى فى اشلارع شوية اول تقاطع توصل عنده دة تقطاع شارع دمشق مع شارع سوريا

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *